Brexit à Londres contre bauxite en Provence; Brexit in London against bauxite in Provence
Manifestations contre l’extraction de bauxite autour des champs de Provence en 1984; Demonstrations against bauxite mining around Provence fieds in 1984
Quand l’écologie se prend les pieds dans le tapis…
En 2008 ai crompat una veitura que rodèla emé de gazoli. D’aquèu tèmps lo gazoli avié un gros avantagi a regard de l’essenci per leis ecologistas. Mandava mens de CO2 dins l’èr e aquo anava miès per la cocha d’ozona, se mi revèn ben. Ai apondut a mon civisme ecolo un patriotisme francés que lo governament demandava. « Achetez français ». Ai « crompat francés », una Megane Renault. Nou ans pus tard, una eternitat en França ente conven de pas aguer una moda en retard, lei proprietaris de veituras gazolisadas son de maufatans. Cresi pas que li ague dins lo monde un endrech ente lei modas cambion tant a la lesta e ente aquelei que lei seguisson pas son propri cuechs.
Ara convèn d’oublidar lo CO2, la moda es ai « particulas finas » o « microparticulas » e ailas per ieu lo gazoli manda força mai de particulas finas dins l ‘èr que l’essenci. Supausi que en 2008 lei particulas finas fasien tant de mau qu’en 2017 mai eron pas de moda. Anatz cercar la logica e la coerènci aqui dedins.
A prepaus dei proprietaris d’autos au gazoli ai ausit lo 7 de julhet sus Radio Monte Carlo un aiatola que diguet « Ils s’en foutent de polluer ». Dins un discors electorau a Marsilha Melenchon diguet a caucarèn proche la mema cauva. « Non je ne m’en fous pas de polluer » brami en francés en aquelei que mi criticon. Ma pensien mi permete pas de crompar una auto a l’essenci e en mai d’aquo ma Megane rodèla extra. Sensa auto podrieu pus bolegar de ma bastida. Li a trop de puadas per rodelar en bicicleta e trop de quilomètras per caminar a pè. Regreti ma fervor patriotica de 2008. Un pichota auto esseci estrangiera m’aurié bastat. Aurièu espranhat mai de 5000 euros.
Mai epecaire en 2050, drech anar, totei leis autos saràn electricas. Hulot, menistre d’estat ,v’a dich. D’ente vendrà aquèla electricitat ? Dei centralas nuclearis supausi. Lei molins emé seis alas qu’espautisson leis aucèus passon de moda en co deis ecolos.
Andrieu Abbe
